Tirol isch - lei oans
Isch a Landl a - zu kloans
Isch a schian’s aber lei a fein’s
Wenn du mitspielsch - schunscht isch’s a gemein’s

I bin zwor net af Droht
Ab’r I kenn’ einen Landesrat
Der werd mein Wegbereiter
Af der Karriereleiter

In inser’n fett’n Zeit’n
Zähl’n Gott sei Donk net Fähigkeit’n
Des kimmert de an Dreck
Mehr zehlt a Soat’n Speck

Tirol isch - lei oans
Isch a Landl a - zu kloans
Isch a schian’s aber lei a fein’s
Mit an Kniafoll - schunscht isch’s a gemein’s

A eig’ne Meinung hindert lei
an Aufstieg durch die Erfolgspartei
und do I net aufmuck
steig I Stuck für Stuck

I kusch und wer’ g’scho’bn
Sehr schnell bis ganz weit ob’n
Für andr’e isch’s a Graus
De steig’n lei im Treppenhaus

Tirol isch - lei oans
Isch a Landl a - zu kloans
Isch a schian’s aber lei a fein’s
Wenn Du packtlsch – schunscht isch’s a gemein’s

Mach I a dann an stuss
isch es für mi a Hochgenuss
die Fehler ozuschiab’n
und teiflisch donn zu liag’n

Die Presse schreib I glänz
Durch meine Kompetenz
Und gib des a a Gschnatter
I schpielt weiter mein Tiatter

Tirol isch - lei oans
Isch a Landl a - zu kloans
Isch a schian’s aber koa fein’s
Lei wenn net aufmucksch dann werd’s dein’s

Isch a schian’s aber koa fein’s
Lei wenn net aufmucksch dann werd’s dein’s

                                                             zurück